مرشحكم لمجلس النواب 2020

انا عمرو شوقى الخولى داخل انتخابات مجلس الشعب 2020 عشان طول عمرى عندى رأى ورؤية ورغبة في التغيير …
وشايف ان من حقي اسعي أغير واحقق رغبتى واعبر عن رؤيتى قدام كل الناس وكمان أعبر عن رأى شريحة مهمة جدًا جدًا من البسطاء والناس اللى أنا منهم ومتربّى وسطهم …
وشايف انه حقى ابن من ابناء دسوق أقدم نفسي وأدخل المنافسة وأعبر عن رأي اصحابى واخواتى وجيرانى وكل انسان بسيط عنده حلم
وليه هترشح كمستقل
ايوه داخل الانتخابات كمستقل بعيدًا عن أى انتماء سياسي أو فكر حزبى داخل أعبر عن ثقافتى وجهة نظرى اللى هيا اكتسبتها من البيئة اللى أنا معاشرها وعايش فيها واللى هيا وجهة نظر أبناء وسكان دايرتى (دسوق وفوة ومطوبس)
انا ابن من أبناء دسوق اتربيت فيها وكل حياتى وذكرياتى وشغلى فيهاواللي يعرفنى يعرف مدى حبى للمدينة .
انا ابن عادى جدًا من ابناء المدينة حافظ كل شارع فيها وحاسس بمشاكلها وعارفها وعارف هيا محتاجة ايه وعارف الفساد اللى موجود فيها وناوي اشتغل عليه من اول يوم .
نفسى احقق حلم اولادها واعبر عن اراء سكانها بكل وضوح وحيادية بصوت مسموع .
وعمر ما شوفت بصمة واضحه لحد من السادة النواب على دائرة( دسوق – فوة – مطوبس ) .
وعمرى ما شوفت حد نزل ولف على الشوارع والميادين واتكلم مع الناس !!!! مش دا نائب الشعب اللى انا اعرفة.
معنديش وعود لكل واحد في دائرة(دسوق – فوة – مطوبس) عندى شغل على أرض الواقع وبرنامج صريح وواضح هنحط بنوده مع بعض عندى رغبة وحلم وهشتغل عشان احققة .
عندى اصحاب واخوات فى كل شبر في دائرة( دسوق – فوة – مطوبس ) وبراها هيساعدونى ويقفوا جنبى .
عندى جيران واهل شايفين فيا احلامهم وانى ممكن اعبر عن صوتهم .
واثق ان فى ناس هيدونى صوتهم عشان انا ابن مدينتهم اللى هيكون وسطهم طول الوقت كأنسان عادى جدا .
وفى النهاية انا مش عاوز غير دعم كل واحد فيكوا …. ولو بس بالدعاء بالتوفيق .
وانكوا تساعدونى فى انى اوصّل صوتى لكل واحد ولكل بيت فى دائرة( دسوق – فوة – مطوبس )….. مدينتى اللى بفتخر وبعتز بيها .
واللى ليها حق عليا هحاول ارد جزء منه .
مش محتاج غير شييييير فى كل صفحات دائرة( دسوق – فوة – مطوبس )
نوصل لكل صوت
# صوتك _ واصل
# صوتك _ امانة
# عمرو _ الخولى
# رمز _ الجرس 🔔
# رقم _ 13

معرض الصور

الرسائل والاقتراحات